Vil du bli med på laget?
Frå 01.01.2026 har vi ledig ei 80 % fast stilling som kontorsekretær ved Fjordane Folkehøgskule.
Vi ser etter deg som er strukturert og kreativ. Hos oss blir du del av eit aktivt miljø der det alltid skjer noko. Arbeidsdagen er variert, givande og du får jobbe med alt frå praktiske og administrative oppgåver, oppfølging av elevar og føresette, til å lage engasjerande innhald på sosiale medium.
Kva vil dine arbeidsoppgåver vere?
Lage og redigere innhald til sosiale medium (reels, foto og video).
Jobbe med marknadsføring og informasjonsarbeid for å synleggjere skulen
Sekretæroppgåver og sentralbordfunksjon
Oppfølging av elevopptak, betaling og kontakt med elevar, føresette og offentlege instansar
Planlegge og følge opp gjester når vi har utleige og sommardrift
Ha ei nøkkelrolle når skulen blir eit kurs- og konferansesenter frå 15. mai til 15. august
Kven ser vi etter?
Vi trur du passar inn hos oss om du:
Er strukturert, ansvarsbevisst og sjølvstendig
Likar å samarbeide med andre
Beherskar nynorsk og engelsk, både skriftleg og munnleg
Er fleksibel og serviceinnstilt -- og trivst saman med ungdom
Gjerne har erfaring frå folkehøgskule eller kjennskap til skuleslaget
Kva kan du vente deg?
Du får ein jobb med mykje variasjon og kjekke kollegaer. Vi likar å finne på aktivitetar saman, alt frå blåturar og sommarfestar, til felles trening for dei som vil, eller eit slag ping-pong eller biljard i lunsjen. Du får tilgang på treningsrom med eit stort utval av apparat.
Vi har ni ulike linjer der elevane får dyrke interessene sine og prøve nye aktivitetar. Det gjer kvardagen vår mangfaldig, inspirerande og full av engasjement.
Du får ei god pensjonsordning i SPK og ein meiningsfull jobb der du bidreg til at elevane skal skape sitt beste år.
Kokkane våre elskar å lage mat som smakar skikkeleg godt, noko du får glede av i lunsjen. Dei byr blant anna på lokale og sesongbaserte råvarer så ofte dei kan.
Du får ein arbeidsplass som tar ansvar og engasjerar seg i både klima og samfunn.
Om oss
Fjordane Folkehøgskule ligg på Nordfjordeid, i Stad kommune på Vestlandet. Vi er ein frilynt skule med eit breitt spekter av linjer. Her møtast ungdommar frå inn- og utland for å oppleve eit år med glede, meistring og nye vennskap – heilt utan karakterpress.
Vi er stolte av å:
vere Miljøfyrtårn-sertifisert og tar miljø- og samfunnsansvaret vårt på alvor
bruke Fairtrade-produkt som styrkar bønder og arbeidarar i fattige land
vere Debio bronsegodkjent, dvs. at minst 15% av matserveringa vår er økologisk
Fekk du lyst til å søkje?
Om dette freistar, håpar vi at du sende søknad og CV på e-post til rektor@fjordane.fhs.no innan
10. september 2025. Har du spørsmål, ring rektor Silvia van Hesik Førde på telefon 926 12 455.
Følg oss gjerne på Instagram eller Facebook for å bli betre kjent med oss eller les meir på heimesida vår.
Vi ser fram til å høyre frå deg!
