Visste du at alle linjefaga også kan veljast som valfag? Det vil seie at du har stor friheit til å skape din eigen timeplan! Du må ha minimum 2 valfag i kvart semester, men du kan velje fleire. Valfaga får du vere med på i tillegg til linje- og fellesfagtimar kvar veke.
Kva valfag du kan velje varierer litt frå år til år, og du veljer valfag etter at skulen har starta om hausten.
-frå jord til bord! Urbant landbruk handlar om korleis ein kan bruke urbant areal til å dyrke mat. Skulen ligg i sentrum, men vi har eigen kjøkkenhage - og hausten 2023 har vi to drivhus vi skal bruke til å auke kunnskapen vår om kva som må til for å dyrke vår eigen mat.
På Fjordane kan du lære å lage dei flottaste kaffidrikkar på den ekte barista-kaffimaskina vår! Cappuchino, Americano, Espresso, Maccihato, Cortado, Latte - med eller utan smak! Du lærer å handtere maskina og lage kaffi til medelevane dine.
Bli med ut i skogen, på fjellet, på fjorden, eller i fjæra. På ski, på sykkel, til fots, eller i båt!
Vi senkar skuldrane og tenker over og snakkar om dei små og store tinga i livet.
Vi surfar ein dag i månaden i surfeparadiset Hoddevik. Ein av topp tre surfstader i Norge uansett kven du spør.
Eit fysisk valfag, der du får prøve mange forskjellige sirkusdisiplinar. Her får du mellom anna trent koordinasjon, reaksjonsevne, balanse og styrke.
Vi går 5 fjelltoppar i løpet av haust og vår. Her er det mange flotte toppar og du er med på å bestemme kvar du vil gå.
For deg med eigen hest som vil ha litt ekstra hjelp. Det er hesten som står i fokus i dette valfaget. Det kan vere innriding, innkøyring, lasting, longering, handtering fra bakken osb.
Dersom du går med ein songar, dansar eller skodespelar i magen er dette valfaget for deg! Du får prøvd deg på litt av det Musikallinja er innom. Her er det plass til alle som er glad i musikk!
Vi spelar og trenar på teknikk, og om vêret er godt blir det sandvolleyball på ei av banene som ligg i nærområdet til skulen.
Du blir kjend med ditt eige kamera, får prøvd deg på klassiske fotoutfordringar, både framfor og bak kamera. Frå idear til bilde.
I dette valfaget får du vere med å lage ei "minnebok" for kullet ditt som alle elvane får med seg når skuleåret er slutt.
For deg som ikkje har kunst som linjefag. Her får du prøve deg i ulike kunstsjangrar som teikning, keramikk, glassarbeid og maling.
Skulen leiger svømmehallen til våre elevar ein time i veka. Her har du 25 meter basseng til disposisjon for diverse aktivitetar. I garderobene er det badstue, som du kan nyte etter badinga.
Kom i kontakt med både kropp og sinn, gjennom yoga. Her jobbar du med øvingar som gjer deg smidigare samtidig som du finn din indre ro.
Aldri tatt i eit par pinnar før, eller er du avansert strikkeguru? Dette er timen de treffast og utfører mirakel med pinnar og garn, samtidig som det er veldig sosialt.
Du lærer bruk av sverd, øks og skjold. Våpna er blunte. Sikkerhet er i fokus under treninga.
Her får du jobba hesten frå bakken både ved å tømmelongere og gjere ulike dressurøvingar. Du kan vere med uavhengig av kva forkunnskap du har.
Kvalitetsfilmar som alle filmelskarar bør ha med seg. Og om skodespelarane og filmskaparane sitt handverk og stil.
Vi arrangerer klesbyttedagar, redesignar eigne kle, lagar handlenett, og set i gang berekraft-prosjekt på skulen.
Voltige er turning på hesteryggen. Vi startar på treningshesten vår “ostepop”, der du får testa mange ulike øvelsar. Voltige er ein fin måte å få jobba med balansen på hesteryggen.
