Hest og rytter
Vil du utvikle deg som hesteperson og lære av dei beste? Med erfarne lærarar og mykje praksis får du styrke samspelet mellom deg og hesten, uansett kva nivå du startar på.
Høg fagleg kvalitet
Dette er linja for deg som vil bli ein bevisst og kompetent rytter, og som vil bruke mykje tid saman med hesten. Her blir du ein del av eit erfarent og anerkjent hestemiljø.
Du får prøve alt innan hestesporten for å utvikle deg som rytter. Vi vil bruke tid på samspelet mellom deg og hesten. Det er viktig for at du skal forstå korleis hesten blir påverka av deg og tolke signala den gir.
Fjordane folkehøgskule har lange tradisjonar med hest og er kjent for høg faglege kvalitet. Hos oss handlar riding om å forstå, samarbeide og utvikle seg saman med hesten.
Her møter du lærarar som verkeleg kan faget sitt. Teamet består av autoriserte ridelærarar og køyreinstruktørar, ryttarar og mykje meir! Vi har tilgang til veterinær og spesialistar innan tannhelse og kiropraktikk, og kvart år kjem det ein saltilpassar på besøk.
Dette kan du sjå fram til
🏇 Utanlandstur til Portugal og Danmark
Bli med til ein førsteklasses rideskule i Lisboa og opplev hingstekåringa for Dansk Varmblod i Herning.
🐎 Fokus på deg og hesten
Her har vi fokus på hestevelferd og gode rutinar som gjer at både du og hesten har det bra.
💪 Regelmessig trening
Du får trene mykje og får tett oppfølging av våre dyktige lærarar.
💛 Dele lidenskapen din med likesinna
Her blir du ein del av eit engasjert og sosialt miljø der alle delar lidenskapen din for hest og riding.
🏆 Hingsteutstilling på Nordfjordeid
Bli med og hjelp til på den årlege hingsteutstillinga.
Her blir det mønstring, testriding og køyring.
🐴 Delta på Agria Oslo Horse show
Jobb “backstage” og få tilgang til heile arrangementet.
Dette vil du lære:
Dette året kan bli starten på vidare studiar og der du finn di retning.
Grønt kort: Du får sjansen til å ta “Grønt kort” som er kompetansebeviset frå Norges Rytterforbund. Med dette beviset kan du delta i konkurransar og det viser at du har god kunnskap om hestehald og sikkerheit.
Hestevelferd i praksis: Du får lære korleis du tek vare på hesten gjennom dagleg stell, fôring, trening og kvile. Fokuset er at hesten skal ha det bra.
Korleis få eit godt samspel med hesten: Du får innsikt i kommunikasjon, tillit og samarbeid mellom hest og ryttar. Målet er å forstå korleis du påverkar hesten og at du kan tolke signala den gir deg.
Ryttertrening og konkurranseriding: Du får individuell oppfølging for å utvikle sits, balanse og teknikk. Vi øver på alt frå grunnleggjande ridning til førebuing til konkurransar.
Dressur, sprang og feltritt: Du får praktisk trening i dei klassiske greinene innan ridesporten.
Longering og tømmekøyring: Du lærer køyring med hest og arbeid frå bakken.
Utstyrslære, hovpleie og beslag: Du får kjennskap til korleis utstyr, sal og hovpleie påverkar hesten sin komfort og prestasjon, og lærer korleis du tek vare på utstyret.
Lærarane følger deg tett og tilpassar undervisninga til ditt nivå. Gjennom fokus på sits, balanse og forståing for korleis du verkar inn på hesten, kan du utvikle god rideteknikk og eit harmonisk samspel med hesten. For jo betre du meistrar teknikken, desto betre rytter blir du for hesten.
Kven passar linja for?
Linja passar for både deg som er nybegynnar og deg som er erfaren. Her får du eit solid grunnlag for vidare utdanning innan hestefaget, veterinæryrket eller studier mot husdyr- og landbruksfag.
Våre forventningar til deg
Du er motivert og interessert i hest
Du deltar aktivt i undervisninga, både på ridebana og i teori
Du møter opp i stallen med ei positiv innstilling og vil bidra til eit godt miljø, både i klassen og på skulen
Du er opptatt av at hesten skal ha det bra
Du er open for læring
Du vil prøve nye ting – "Det har eg aldri gjort før, så det klarer eg heilt sikkert", Pippi Langstrømpe mentalitet
Med eller utan hest?
Om du ikkje har eigen hest, fortvil ikkje! Du kan låne ein av våre skulehestar. Desse fjordhestane er utruleg gode læremeistrar, sterke, uthaldande og samarbeidsvillige. Du får ansvar for hesten som om den er din eigen, med både stell og utstyr. Du kan også bruke den på stemner om du vil det.
Fasilitetar
Vi har full tilgang til Norsk Fjordhestsenter sitt hestesportanlegg, der all praktisk og teoretisk linjeundervisning føregår. Her er:
Oppstallingsplass til 44 hestar
To store ridehallar
Ei stor utandørs køyre/sprangbane
Terrenghinder for feltritt og maraton
Heildagspaddocker
Sprang- og dressursaler til skulehestane
Vaskespilt
6 maratonselar, 5 roadcarter og 2 maratonvogner
Gode moglegheiter for å ri tur på fritida
Ofte stilte spørsmål
-
I snitt har du 18 timar linjefag i veka, med rideøkter for instruktør, ryttartrening, køyring, hestehandtering, stallarbeid og teori.
Du vil få sjansen til å delta på stemner i nærområdet, og skulen arrangerer stemnetreningsdagar så lik eit stemne som mogleg, for å gi deg og hesten din meir stemneerfaring.
Mental trening for ryttaren er ein del av undervisninga, slik at hovudet og kroppen heng saman i ulike settingar
-
Dersom hesten din blir sjuk, skada eller halt, er det mogleg å låne ein skulehest slik at du ikkje går glipp av undervisninga.
Du kan også velje å kombinere bruk av skulehest og eigen hest i undervisninga. På denne måten får du moglegheit til å prøve deg på andre hestar.
-
Har du eigen hest så kjem den ein ekstra kostnad for oppstalling på kr. 4000,- pr mnd.
Viktig: For å bestille oppstallingsplass må du sjølv avtale direkte med Norsk Fjordhestsenter enten på telefon: 57 86 48 00 eller på e-post.
-
Du kan bruke hesten din på tre ridetimar i veka, i tillegg til at du kan delta på mange ulike valgfag og fordjupningsfag med hest. Alle elevane kan få ekstra hjelp med hesten sin dersom det oppstår problem i til dømes riding, køyring eller handtering.
I tillegg til undervisninga på hestelinja er det mogleg å delta på kurs i riding og køyring i regi av lokale arrangørar. I samarbeid med rideklubben arrangerer Fjordane folkehøgskule også stemne minst to gongar i halvåret.
-
Vi har ein avtale med Fjordhestsenteret der alle hesteelevane skal ha stalltjeneste der som ein del av skulen sitt opplæringsopplegg fram til haustferien. Dette er for å gi elavene erfaring, kunnskap og kompetanse innanfor alle områder med bruk og drift av hest. Viss du står oppstallet på Stall Os, skal ein også følge skulen sitt opplegg på senteret.
Lurer du på noko meir kan du sende epost til inspektøren på Fjordane, Annifrid.
-
Mellom skulen og Norsk Fjordhestsenter ligg Stall Os som også tilbyr oppstallingsplassar. Her kostar ein oppstallingsplass kr. 4000,- per månad. Ta kontakt med dei direkte for å finne ut kva som er inkludert.
Dersom du bruker ridehallen på Norsk Fjordhestsenter utanom organisert undervisning og står oppstalla på Stall Os må du ha hallkort på kr. 600,- i månaden. For informasjon og bestilling, ring Stall Os (Lene) på telefon 401 71 167 eller på e-post.
Felles for begge stallane er at ein er ansvarlig for inn/utslipp av hesten sin, men dei er behjelpelege dersom det er opplegg i forbindelse med skulen.
-
Nei. Skulen har eigne skulehestar som blir brukt i undervisninga.
-
Nei, du treng ikkje vere ekspert. Nokre elevar har mykje erfaring, andre lite. Undervisninga blir tilpassa nivået ditt så langt det er mogleg.
-
Året gir deg nyttig erfaring om du vil vidare innan hestefag, dyrefag, idrett, pedagogikk, salmaker, hovslager eller anna arbeid med dyr. Vi legg tilrette for at du skal få starte konkurranser og vere trygg nok til å skaffe deg eigen hest etter eit år på Fjordane.
-
Du lærer om ridning, hestehandtering, stallarbeid, dyrevelferd og ulike disiplinar innan hestesport. Du får både praktisk og teoretisk undervisning.
-
Du får teste mellom anna dressur, sprang, køyring, arbeid frå bakken, tur- og terrengridning og andre former for variert hestearbeid.
-
Nei, hovudfokuset er læring, meistring og allsidig erfaring med hest. Konkurranse er frivillig for dei som ønskjer det.
-
Du lærer om hestehald, fôring, anatomi, åtferd, trening, dyrevelferd og tryggleik rundt hest. Mykje er praktisk læring, gjennom dagleg stell og omgang med hestane i stallen.
-
Ja! Det viktigaste er at du er glad i hest og ønskjer å lære meir. Vi legge tilrette undervisningen for det nivået du er på.
-
Ja, hestelinja har både dagsturar og lengre turar i løpet av året, til dømes faglege besøk, kurs og linjeturar.
Sjekk ut @hestfjordanefhs på Instagram!
Turar og opplevingar du får vere med på
Lærar | Hest og rytter
Mona har vore lærar på Fjordane folkehøgskule sidan 2005 og har lang erfaring frå både norsk og internasjonal ridesport. Ho er utdanna ridelærar gjennom British Horse Society (stage 1, 2, 3 & PTT), hestefaglært og godkjend dressurdommar for Norges Rytterforbund. Ho har også PPU frå NMBU på Ås.
Før Mona byrja på Fjordane, har ho jobba ved Valnesfjord Helsesportsenter med terapiriding, og som rideinstruktør både i England og Sverige.
Ho er ein tålmodig og fagleg sterk lærar som legg vekt på tryggleik, kommunikasjon og utvikling for både hest og ryttar.
Mona har sjølv konkurrert mykje i sprang og feltritt, men trivst no best med dressurriding og turar med dei to dølahestane sine.
Møt Mona
Møt Dagmund
Lærar | Hest og rytter
Dagmund har vore lærar på Fjordane folkehøgskule sidan 2001 og har solid erfaring frå både hestefag og friluftsliv. Han er køyrelærar trinn II frå Norsk Hestefagskule Starum, faglært hovslagar og har PPU frå NMBU på Ås.
Med brei kompetanse innan køyresport, hovpleie og hestehald gir han elevane både tryggleik og praktisk forståing av faget.
Han har drive med avl og oppdrett av norske varmblodsridehestar i mange år, og har fleire kåra hingstar av eige oppdrett.
Dagmund har òg vore aktiv konkurransekusk og delteke i NM i køyring, som er erfaringar han gjerne deler med elevane sine.
Når han ikkje er i stallen, likar han å bruke tid ute i naturen, gjerne på fjellturar, både med og utan hest.
Lærar | Hest og rytter
Anja har vore lærar på Fjordane folkehøgskule sidan 2012 og har lang erfaring frå både undervisning og konkurranseriding.Ho er utdanna ridelærar trinn 1 og 2 frå Norsk Hestefagskule Starum og har solid kompetanse innan både dressur og hestehald.
På fritida finn du Anja som oftast ute, enten på tur i fjellet med hundane sine eller på ridebana med dei to varmblodshestane ho konkurrerer med i dressur.
Møt Anja
Møt Hedda
– Året på Fjordane har vært et år jeg aldri kommer til å glemme! Jeg har fått kjenne på høy puls i ungarsk post, ridd mange stevner og hatt det utrolig gøy. Jeg har lært masse om hest og funnet ut at jeg faktisk vil jobbe med det videre
Hedda | Elev 2023-2025
Slik søke du
1. Fyll ut søknadsskjemaet
Det er heilt uforpliktande og ikkje komplisert. Vi treng å vite litt om kven du er, dine interesser og om kvifor du ønsker å bli elev hos oss.
2. Søknaden din behandlast
Først får du bekrefta at vi har mottatt søknaden din. Etter 15. november er det løpande opptak og du vil motta et eventuelt tilbud om plass så raskt som mogleg.
3. Svar ja eller nei til plassen
Du har 10 dagar på deg til å svare ja/nei viss du har fått tilbud om plass. Seier du ja, må du betale innmeldingspengar på kr. 2.900,-.
Kva seier elevane våre?
-
![]()
Olivia Bjørge
Hest og rytter
2024 - 2026
– Året på Fjordane har vært et år jeg aldri kommer til å glemme! Jeg har fått kjenne på høy puls i ungarsk post, ridd mange stevner og hatt det utrolig gøy. Jeg har lært masse om hest og funnet ut at jeg faktisk vil jobbe med det videre -
![]()
Maja Strømsnes
Friluftsliv Explorer 360
2024-2026- Jeg har lært masse! Fra turer på høyfjellet til å sove ute om vinteren uten å fryse. Jeg har fått erfaring med padling, klatring, ski, surfing og fridykking.
-
![]()
Kristine Klemmetvoll
Movement X
2024-2026- Uansett hvilken linje du velger på Fjordane, møter du gode lærere, et trygt og inspirerende miljø og folk som fort blir som familie. Selv om mye kan føles nytt og litt skummelt i starten, er det her du får minner og opplevelser du aldri vil glemme
-
![]()
Hedda Moland
2. års hestesport
2023 - 2025– Etter to år på Fjordane har jeg lært mye om hest. Det har gjort at jeg har kommet inn på Flyinge i Sverige. Der skal jeg utdanne meg som hovslager.
-
![]()
Maya Brevik Lockyer
Movement X
2024-2026– Jeg har lært så utrolig mye, både faglig og personlig. Ikke bare innen sirkus, men også om meg selv og andre mennesker. Jeg har blitt bedre på å stå i hvem jeg er, kommunisere og forstå folk rundt meg. Det har vært like viktig som all teknikken vi lærer.
Siste nytt
Bli kjent med oss på Instagram
