Linjetur til Europa
Bli med på ein tur som både er snill mot miljøet og proppfull av opplevingar! Vi ønskjer å oppleve mangfaldet av sirkuskulturen som ein finn i Europa, og reiser derfor med tog innom fleire land og byar for å gje deg så mange gode sirkus- og kulturopplevingar som mogleg.
Skuleturen er inkludert i skulepengane. Den står fast på programmet i vårsemesteret, og destinasjonane varierar frå år til år. I skuleåret 2024/ 2025 fekk elevane oppleve både Oslo, København og Amsterdam, med besøk på AFUK-trening, Arena Sirkus, Tivoli i København og Fontys Academy for Circus and Performance Art i Nederland.
Varierer frå år til år
Tidlegare år har turen gått til Barcelona og Italia, der elevane blant anna fekk sjå Martin Riedel, ein av linjelærarane, opptre på sjølvaste Cirque du Soleil i Barcelona, besøkt sirkusskular i Torino og sett ei kjend forestilling i Milano.
Turen varierar altså frå år til år, men vi legg alltid opp til ei blanding av linjerelaterte aktivitetar, sosiale opplevingar og god tid til fritid.
Ein minnerik tur
Formålet med turen er først og fremst å få fagleg inspirasjon og påfyll. Vi reiser heim med ny motivasjon og lærdom etter å ha møtt andre med same interesse og eit større fagmiljø innan nysirkusverda. I tillegg til fagleg utvikling, er det sjølvsagt viktig at vi har det kjekt saman. Vi får mange fine opplevingar i lag, ser gjerne eit sirkusshow eller to, og utforskar kultur og sjåverdigheiter i byane vi besøker.
