Treningstur | Monte Feliz
Dette er ferien for deg som både vil yte og nyte! I februar får du ein perfekt kombinasjon av tøffe treningsøkter og velfortent avslapping i godt lag.
Ei veke full av energi og utvikling
Heile veka handlar om mestring, treningsglede og påfyll av energi. Du kan forvente ei variert treningsplan med alt frå power workout, krigarprogram og hyrox-økter til styrkeløft og teknikktrening. Her blir det svette, høg puls og mykje energi – perfekt for deg som likar å utfordre deg sjølv. Etter harde økter ventar avslapping, eit forfriskande bad eller rolege yogatimar for å strekke ut og hente seg inn igjen.
Det blir også god tid til hygge og opplevingar utanfor treningsrommet. Vi tek oss småturar og utforskar området, mellom anna med delfinsafari der vi får sjå dei majestetiske dyra på nært hald. Vi besøker den lokale marknaden, der du kan rusle mellom bodene og kanskje smake på noko nytt, og vi avsluttar gjerne dagen med middag på ein av dei gode restaurantane i nærleiken.
Hotellet serverar sunn og variert mat som gir kroppen alt den treng. Frukosten gir deg ein god start på dagen, til lunsj er det salatbar, og til middag kan du velje mellom varme og kalde rettar frå buffet. Her får du ete godt, lade opp og nyte kvar dag fullt ut.
